Eu quero Razo-Baldaio: Ioga na praia

O programa Eu quero Razo-Baldaio ofrecerá este verán varias sesións de ioga ao aire libre nas praias de Razo e Pedra do Sal. As clases, impartidas polo centro Namasté, pretenden promover hábitos saudables e unha relación máis consciente coa contorna natural, combinando exercicio físico, relaxación e contacto directo coa paisaxe litoral. As sesións están abertas a todos os públicos e non é necesaria experiencia previa nin inscrición.

• Datas das sesións en Razo: 21 e 28 de xullo e 4 e 11 de agosto (zona da Cabreira)
• Datas das sesións na Pedra do Sal: 23 e 30 de xullo e 6 e 13 de agosto
• Hora: de 19.45 a 20.45
• Público: todos os públicos