Ana Muiño Rey presenta os seus libros en Carballo

Fisioterapeuta de profesión, esta carballesa de Rus traballa na actualidade no Hospital Universitario de Xenebra (Suíza), pero ten outra paixón, que é a literatura. Durante o seu primeiro embarazo, Ana Muiño Rey escribiu Muñeca de papel, a súa primeira novela, publicada con Caligrama Editorial, que lle outorgou o Sello Talento, e acaba de saír a segunda parte, Juego de roles, case ao tempo que tivo o seu segundo fillo.

O mércores 26 de novembro, no marco dos actos do 25N, terémola nas Escolas do Xardín Agra de Caldas para falar de libros, de historias de mulleres e de moitas cousas máis!

Presentará o acto a concelleira de Servizos Sociais, Igualdade e Sanidade, Maica Ures, e ao remate servirase un aperitivo. A entrada é libre ata completar a capacidade do local.