A educación a debate, no programa do Día da Muller

Debate A educación das mulleres e as mulleres como educadoras, unha actividade organizada pola Asociación Cultural Lumieira co apoio do concello, no contexto da conmemoración do seu 50 aniversario.

O encontro contará coa participación de mulleres educadoras e de Narciso de Gabriel, autor de Xogando coa pólvora, nun diálogo arredor da evolución da educación desde unha perspectiva de xénero. A sesión pretende analizar como a socialización diferencial condicionou historicamente o papel das mulleres na docencia e reflexionar sobre os retos actuais en materia de igualdade no ámbito educativo.

Entrada libre e de balde.