Hoxe, coincidindo co 120º aniversario do nacemento de Cándido González Tiradas, rendémoslle unha pequena homenaxe nun acto no que participaron o alcalde, Daniel Pérez, as concelleiras Maruxa Suárez, Ángeles Pacoret e Maica Ures, e familiares do escritor e xornalista carballés. Xunto ao panel instalado polo Concello de Carballo na rúa que leva o seu nome, representantes municipais e familiares do autor da peza teatral Mal ollo! realizaron unha ofrenda floral.
Este sinxelo pero sentido acto complementa a lectura dramatizada realizada polo alumnado da Aula de Teatro Municipal no marco do FIOT e a ruta guiada e teatralizada que levaremos a cabo, se o tempo o permite, no mes de febreiro, coincidindo co 60º aniversario do falecemento de González Tiradas en Buenos Aires.
