O 12 de marzo, de 10h a 14h, terá lugar a XIX Feira de Emprego Talento Mozo da Cámara de Comercio da Coruña no Fórum Carballo. As 29 empresas que van participar ofrecerán postos de traballo dirixidos a mozos e mozas menores de 30 anos que non se atopen traballando nin estudando e que estean inscritos no Sistema Nacional de Garantía Xuvenil.
O alcalde de Carballo, Daniel Pérez, e a vicepresidenta segunda da Cámara de A Coruña, Luz Pardo, inaugurarán esta edición ás 10:00h.
A xornada inclúe tamén talleres nos que se abordarán estratexias útiles para participar en procesos de selección e para realizar unha entrevista de traballo con éxito.
