O Concello de Carballo ofrece ás familias a posibilidade de utilizar o programa Concilia durante a ponte de novembro. Os días 30 e 31 de outubro e o 3 de novembro (non lectivos) o servizo funcionará desde as 07.00 ata as 14.30 horas no Recuncho dos Nenos, situado na rúa Barcelona, número 18, entrechán dereito.
O custe do servizo será de 8,24 euros/dia, almorzo incluído.
O prazo de solicitude está aberto ata o 27 de outubro.
O número de prazas é limitado e adxudicaránse por orde de solicitude no rexistro de entrada do Concello de Carballo.
Máis información
- Centro de Información á Muller (CIM), edificio de Servizos Sociais do Concello de Carballo.
- Teléfonos 981 700 688 e 638 123 460.