Rúa dos Contos: “Palabras mayores” con Álex O´Dogherty

#34 FIOT | ESTREA EN GALICIA

Na estrea en Galicia do seu novo espectáculo, Alex O’Dogherty xa non mide as palabras. Xa non ten medida, e o mesmo che fala das farmacias, do seu propio enterro, da intelixencia artificial ou dos opinadores. O mesmo fai un rap que un romanceiro. E ten un número especial para os que cheguen tarde. Moi completiño! Xoga coas palabras. Palabras estúpidas, palabras inapropiadas, palabras divertidas e ri das opinións non pedidas e comparte coa xente historias que mesturan verdade, absurdo e música. Ten para todos, porque medrou. Como as súas palabras. Por iso son Palabras Mayores. É un espectáculo moi diferente a todo o anterior, porque a súa cabeza vai a mil por hora. Un show más imbécil que o anterior. Aínda. Se non o entendes, ven velo.

O’Dogherty é un artista polifacético: actor, músico, presentador e un dos monologuistas máis veteranos. Leva máis de dúas décadas combinando teatro, cine, televisión (onde fixo moi populares algúns personaxes como Arturo Cañas ou Alfredo “Caracolo”), radio e humor.

• Sábado 18 de outubro
• 23.00 h.
• Mercado Municipal
• Entrada: 15 €
• Duración: 100 minutos
• Público adulto (+ de 16 anos)

ATAQUILLA.COM