PLIC! Praza dos Libros 2025

PLIC! | Do 10 ao 13 de xullo volve a Praza dos Libros (PLIC!) cun potente programa que acredita o compromiso do Concello coa cultura galega. Cada día o horario de apertura desta feira da creatividade cultural é de 11.00 a 14.00 e de 18.00 a 22.00 horas, coa presenza de oito librarías que ofrecerán un 10% de desconto en cada compra. Son as seguintes:

• Á lus do candil (Arteixo)
• Brañas Verdes (Carballo)
• Trasgo (Carballo)
• Teldy (Carballo)
• Clarión (Carballo)
• Espiral Maior Foro (Carballo)
• A gata tola (Santiago)
• Espazo Lector Nobel (Carballo)

Ademais, está previsto repartir centos de premios polas compras a través de rascas e o xoves 10 e o domingo 13 pola mañá a PLIC! convivirá coa feira tradicional de Carballo, coa venda dos mellores produtos de tempada e pola compra dun libro os e as asistentes recibirán un paquete de Conservas Calvo (o xoves) e un molete de pan de Carballo (o domingo).