Exposición Zoom FIOT

#35 FIOT | O andar -1 do Pazo da Cultura acolle a exposicion Zoom FIOT, unha ollada privilexiada ao corazón dos espectáculos da anterior edición do FIOT a través dunha selección de imaxes que capturan a esencia e parte da cara menos visible do festival, inmortalizando vivencias únicas que o público non pode ver habitualmente. Os fotógrafos participantes nesta mostra son Antonio Fernández, J. Juan Pérez, Criss Becerra, J. Manuel Pérez, Daría García, María Barca e Marcos Rodríguez.

Achégate e descubre, a través destas fotografías, outra mirada sobre o FIOT e os momentos que suceden máis alá do escenario. Poderá visitarse até o 8 de novembro de luns a sábado de 17.00 a 21.00 horas.

📷 © Vanessa Rábade