Encontro de historiadores/as para enlazar Carballo na Memoria coa Noite das Persoas Investigadoras

O ciclo Carballo na Memoria enlazará este xoves coa programación da Noite Europea das Persoas Investigadoras a través dun encontro interxeracional de historiadores e historiadoras de Carballo.

Na actividade participarán Xan M. Fraga Rodríguez, Margarita Barral Martínez e Hadrián García Pérez, tres xeracións unidas pola investigación e a divulgación da historia local. O encontro estará moderado por Candela Lola Battiato Miñones.

A cita permitirá achegarse ao pasado de Carballo desde diferentes perspectivas e poñer en valor a investigación histórica como ferramenta para coñecer, conservar e transmitir a memoria colectiva.

O encontro celebrarase ás 19.00 horas nas Escolas do Xardín Agra de Caldas e está dirixido ao público xuvenil e adulto. A entrada é libre e de balde.

A actividade forma parte da Noite Europea das Persoas Investigadoras e do proxecto TALK0, financiado pola Unión Europea, e conta coa colaboración da Concellaría de Bibliotecas, Arquivos e Normalización Lingüística.