A web oficial do concello de Carballo
A web oficial do concello de Carballo
11/10/2026
20:00
Pazo da Cultura#35 FIOT | “E ti, que tipo de antepasado queres ser?”
Unha localizadora de cine que se namorou dun val de Lugo e se fixo labrega; unha nena que fai a transhumancia na serra de Ávila; unha neorrural pacense desesperada cun inspector ou unha neta de campesiños que recupera uns bancais. Historias que nos achegan á vida de quen produce os alimentos que chegan ás nosas mesas. Por que cada vez menos xente quere traballar na agricultura e na gandería? Esta pregunta levou a Laura Santos a percorrer 3.600 quilómetros para escoitar a traballadoras do rural e transformar os seus testemuños nunha peza de teatro documental sobre a terra, a memoria e o futuro. Un universo poético que nos convida a reflexionar sobre a necesidade de preservar un mundo cada vez máis ameazado.
O espectáculo de almealera nace do proxecto científico FARM, do CSIC, que investiga a falta de relevo xeracional e a súa relación co despoboamento, a masculinización do sector e a sostibilidade. Unha proposta de teatro para a transformación social recoñecida co Premio FETEN 2026 ao mellor espectáculo.
*Coprodución do CSIC, Fundación “La Caixa” e Concello de Madrid
