FIOT – Programa de Sala: “A arte da guerra” de Mofa e Befa

#35 FIOT | ESTREA ABSOLUTA | COPRODUCIÓN FIOT |

“Un espectáculo rápido coma o vento, silencioso coma unha fraga, feroz coma o fogo e inmóbil coma unha montaña”

Reis, xenerais, concubinas, espías, magnates, adestradores de fútbol, avogadas matrimoniais e outras xentes complicadas en singulares conflitos humanos conforman un retablo urxente dun mundo en colisión no que rexurde o belicismo, e protagonizan unha saborosa sátira da nosa época.

Se todo é unha guerra… mellor tomala con humor. Inspirándose no lendario tratado de Sun Zi, A arte da guerra transforma a sabedoría militar chinesa nesta farsa feroz e irreverente sobre un mundo atravesado polo poder, o engano e os conflitos de toda condición.

Volve a mítica compañía Mofa e Befa fiel ao seu particular «perralleirismo» e á súa capacidade para facer da ironía e da gargallada as súas mellores armas. Porque, se hai un inimigo ao que derrotar, téñeno claro: o aburrimento.

*Ao inicio da función celebrarase o acto de entrega do Xograr de Outono 2026 a Antonio Porteiro

• Venres 23 de outubro
• 21.00 h
• Auditorio do Pazo da Cultura
• Entrada: 12 €
• Público adulto (+12 anos)
• Duración: 90 minutos

*FIOTeen: preestrea co alumnado de Secundaria. Xoves 22 de outubro, ás 11.00 h, no Pazo da Cultura.

ATAQUILLA.COM