FIOT – Programa de Sala: “Odisea” de Companhia do Chapitô

#35 FIOT | “Odiseo foi un xenio da estratexia ou simplemente un espelido con tendencia a meterse en leas?”

Todo comeza nesa familia disfuncional que habita o Olimpo. Veñan descubrir as aventuras, os naufraxios e os malentendidos divinos que converteron a Odiseo no heroe máis canso da mitoloxía grega. Unha historia de astucia, teimosía e resistencia, cun final que ata o propio Tiresias gozaría desvelando. Prepárense para presenciar ao noso heroe enfrontándose a monstros e deuses de mal xenio.

Nesta versión artesanal da Odisea a Companhia do Chapitô, un dos referentes do teatro portugués, desmonta a épica viaxe, mesturando xogo teatral con comedia de equívocos, mitoloxía e disparates.

• Venres 9 de outubro
• 21.00 h
• Auditorio do Pazo da Cultura
• Entrada: 12 €
• Público adulto (+12 anos)
• Duración: 60 minutos

ATAQUILLA.COM