Carballo na memoria: Xornada Fernando Cabeza Quiles

As Xornadas Carballo na Memoria dedicarán o xoves 10 de setembro unha sesión especial a Fernando Cabeza Quiles, moi vinculado ao proxecto e participante habitual nas edicións anteriores.

A programación comezará ás 19.00 horas nas Escolas do Xardín Agra de Caldas coa intervención “Os nomes da terra”, a cargo de Rocío Romar Roel, profesora de Xeografía e Historia e experta en toponimia. Presentará a sesión Fina Pacoret.

A xornada completarase cunha ruta pola microtoponimia carballesa guiada por Xurxo Souto, profesor, músico, escritor e dinamizador cultural.

A proposta dá continuidade a unha das liñas de traballo máis importantes de Carballo na Memoria: a recuperación dos nomes tradicionais do territorio e das historias que gardan.