A Consellería de Sanidade, a través do Programa Galego de Detección Precoz do Cancro de Mama, pon a disposición das veciñas do concello de Carballo un servizo de transporte gratuíto de ida e volta para facilitar o seu desprazamento á Unidade de Exploración Mamográfica, situada no Hospital Abente y Lago da Coruña.
Para adaptarse ás citas médicas, o servizo contará con dous horarios principais de saída organizados segundo a hora de citación no centro hospitalario: un primeiro grupo para as mulleres citadas entre as 9:00 e as 10:00 horas, e un segundo grupo para as citas programadas a partir das 12:30 horas.
| Lugar de parada | Horas de saída |
| Capela da Milagrosa | 08:00 h / 11:15 h |
| Diante da Estación de Autobuses (fronte ao antigo Mercadona) | 08:05 h / 11:20 h |
| Rúa Perú (na parada do autobús, preto do Parque Rego da Balsa) | 08:07 h / 11:22 h |
| Rúa Vázquez de Parga, 120 (na parada fronte ao súper Andrade) | 08:10 h / 11:25 h |
| Bertoa (diante da Igrexa) | 08:15 h / 11:30 h |
As usuarias recibirán a información detallada e personalizada xunto coa súa correspondente citación oficial do programa de cribado. Dende a Unidade Central do programa lémbrase a importancia de acudir puntual á parada elixida para garantir o correcto funcionamento do servizo coordinado.