Noites de cine | “Los Futbolísimos 2: El misterio del tesoro pirata”

Ondas Culturais | Como cada verán, o cinema ao aire libre forma parte importante da programación cultural de Carballo. Neste caso, co ciclo Noites de cine que inclúe proxeccións de películas os mércores e xoves en diferentes espazos do concello, tanto no casco urbano coma nas parroquias.

En Los Futbolísimos 2: El misterio del tesoro pirata unha estafa inmobiliaria deixa ao Soto Alto FC sen campo de xogo e ao seu pobo ao bordo da ruína. Para seguir na liga, Os Futbolísimos deberán vencer a un complicado rival mentres se ven envoltos nun inesperado roubo a un banco. Só mantendo a unión e facendo gala do seu enxeño poderán superar este novo desafío.

• Sofán-Praza
• Todos os públicos
• Duración aproximada: 95 minutos
• Comedia e aventuras
• Acceso libre ata completar a capacidade
• Colabora a Asociación de Mulleres Rurais San Salvador de Sofán