Concerto de Tito Ramírez na Praza do Concello

A Praza do Concello acolle no marco das Festas de San Xoán o concerto de Tito Ramírez a partir das 21.30 horas. Tito Ramírez puxo o seu nome no radar de todos co seu álbum “The Kink of Mambo”, lanzado en 2019, cuxas dúas edicións se esgotaron rapidamente. O álbum foi un éxito dentro da escena underground internacional de Soul e R&B, o que o converteu nunha figura clave á que seguir.

O artista presenta en Carballo o seu novo traballo discográfico, “Sonido conquistador”, publicado en marzo deste ano. Magnético no escenario, é capaz de incendiar calquera actuación con R&B, cha-cha-cha, soul, boogaloo e ritmos latinos. Baile, suor e festa están garantidos cun dos espectáculos en directo máis electrizantes do circuíto.