A web oficial do concello de Carballo
A web oficial do concello de Carballo
17/04/2026
Horario Adaptado
Mercado municipalO segundo día do Carballo Interplay 2026 fura de cheo na realidade actual: desde o impacto da intelixencia artificial no noso traballo ata o auxe dos podcasts de conversa e as novas voces que dominan as redes. Unha xornada para aprender, debater e, por suposto, gozar de estreas exclusivas.
O mercado de Carballo convértese nun espazo de debate profesional (con interpretación en lingua de signos e streaming):
10:30h | Isto non é ciencia ficción: O equipo de Maldita analiza como ferramentas como ChatGPT, Gemini ou Midjourney cambiaron as redaccións e o traballo nos medios neste 2026.
11:30h | O reinado da conversa: Estamos en plena crise do podcast narrativo? Profesionais de Prisa, RNE e Tresdeu Media debaten se a industria abandonou a investigación en favor do “faladoiro” viral.
12:30h | Novas voces: Trescentostrece, Salseología, Literal247 e Woke up! explican como loitar contra o algoritmo para facerse un oco con contidos que van máis alá de “contar cousas”.
16:00h | Pitching de proxectos: O momento da verdade para a creación dixital en galego. Novas ideas buscan o impulso do festival ante un xurado experto.
17:30h | Sección oficial (bloque 2): Continúa a maratón de series internacionais con títulos como T rex, Alucinema ou Delirio Sketches.
A partir das sete, o festival vístese de gala e humor:
19:00h | Sexo en Nueva York (podcast live): Raquel Piñeiro e Patricia Blanco traen por primeira vez a Galicia o seu show sobre Carrie e compañía… con referencias inesperadas a Pontevedra!
20:00h | Preestrea de “Millennial Mal”: Tras o seu paso por Málaga, Lorena Iglesias presenta na casa a súa nova serie. Unha cita imprescindible co audiovisual galego máis actual.
22:30h | Rajando con… BIMBOFICADAS: O prato forte da xornada. Samantha Hudson e María Barrier aterran co seu podcast para analizar a actualidade co seu característico humor subversivo (Requírese reserva de entrada, e xa están esgotadas).
Streaming: Se non podes vir, as sesións da mañá e o podcast de “Sexo en Nueva York” poderán seguirse online.
Entradas: De balde ata completar capacidade (agás o show de Bimboficadas, que precisa reserva previa).
