Volven os ratos de Lonxedetodo coa historia de "O caracol namorado"

Mércores 11 de decembro do 2019 17.00 e 18:30 horas - Biblioteca Rego da Balsa

Un caracol chamado Manolo e unha ra de nome Lolita serán os protagonistas da nova sesión de contacontos que nos traerá esta semana a compañía Trinketrinke Teatro á Biblioteca Rego da Balsa. 

Nesta ocasión, os ratiños de Lonxedetodo chegan dispostos a ensinarnos algo máis sobre o amor a través da poesía visual e auditiva. E, coma sempre, farano a través dos libros e da lectura.

Ademais, descubriremos se é o amor o culpable dos problemas de alimentación de Manolo. Apetéceche descubrilo? Pois non faltes á cita cos ratos máis divertidos do planeta. Agardámosvos!

Público: Nenos e nenas de 3 a 8 anos
Entrada: Libre e de balde ata completar aforo (reserva convite)
Organiza: Concellería de Cultura