AJE Galicia pon en marcha en Carballo o programa de apoio a pemes e emprendedores/as "Impulso rural"
Martes 3 de maio do 2022
Este mércores 4 de maio terá lugar no Fórum Carballo a presentación do programa de apoio a pemes e emprendedores "Impulso rural", organizado por AJE Galicia coa colaboración da Xunta de Galicia e do Concello de Carballo. O acto inaugural está previsto para as 10.30 e contará coa participación do concelleiro de Innovación, Formación e Emprego, Iván Andrade.
O programa nace co obxectivo de dotar a emprendedores e pemes das ferramentas e capacidades necesarias para impulsar os seus negocios no actual contexto económico. Nes sentido, os/as participantes recibirán:
- Asesoramento personalizado: con mentores de proxecto e especialistas que os axudarán a dar resposta ás necesidades concretas dos negocio.
- Talleres formativos en habilidades clave, impartidos por expertos, coa innovación, o deseño de negocio e a dixitalización como elementos transversais.
Cada empresa/proxecto terá acceso a 18 horas de formación e 6 horas de asesoramento individual, realizadas por un mentor de proxecto e un mentor especialista que se asignará en función das súas necesidades. A formación presencial realizarase no Fórum Carballo ata o 16 de xuño. As inscricións poden realizarse no formulario que atoparás máis abaixo. As reservas realizaranse por orde de inscrición ata completar aforo.