Admitidas todas as solicitudes de praza para o curso de Iniciación Musical do CMUS

As familias dos nenos e nenas deben formalizar a matrícula entre o 20 e o 27 de xullo

Xoves 19 de xullo do 2018 Educación Conservatorio

Un total de 48 nenos e nenas (23 de 1º curso de Primaria e 25 de 2º) participarán a partir de setembro no programa de Iniciación Musical impulsado polo Concello de Carballo e Conservatorio Municipal de Música (CMUS) para achegar a música á infancia. Todas as solicitudes foron aceptadas. A relación figura no documento adxunto.

Agora as familias dispoñen de oito días de prazo, entre o 20 e o 27 de xullo, para formalizar a matrícula, entregando por rexistro de entrada o impreso correspondente unha vez liquidadas as taxas establecidas para esta actividade educativa. Para calquera consulta poden dirixirse ao 1º andar do Pazo da Cultura (Oficinas de Cultura-Conservatorio) ou chamar ao  teléfono 981 704 300.

O programa de Iniciación Musical vén cumprindo desde o curso 2012-13 o obxectivo de facilitar aos máis pequenos e pequenas o descubrimento da música e das familias instrumentais, para que cando poidan acceder aos estudos oficiais no CMUS conten xa cunha entregando por rexistro de entrada o impreso correspondente unha vez liquidadas as taxas establecidas para esta actividade educativa.

Descargas